Kushtet e pafavorshme të motit kanë krijuar vështirësi në operimet detare në Portin e Vlorës. Trageti “European Star” ka arritur të futet në kalatat e portit me ndihmën e rimorkiatorëve, duke u ankoruar në mënyrë të sigurt.
Sipas njoftimit zyrtar, trageti pritet të niset drejt Italisë, ndërsa procesi i imbarkimit do të nisë menjëherë. Me këtë linjë parashikohet të udhëtojnë rreth 1 mijë pasagjerë.
Gjatë ditës së nesërme do të informohen pasagjerët për çdo ndryshim të mundshëm të orarit të lundrimit, për shkak të përkeqësimit të parashikuar të kushteve atmosferike.