Vendimi i Gjykatës Kushtetuese të premten mbrëma ka shkaktuar debat në politikë, pasi trupa gjyqësore ishte e ndarë 4 me 4 dhe nuk dha një vendim përfundimtar. Masa e pezullimit të Belinda Ballukut nga detyra mbetet në fuqi, por pyetja për kompetencat mes ekzekutivit dhe gjyqësorit mbetet e hapur.
Një grup gjyqtarësh argumentoi se pezullimi nuk mund të kryhet pa lejen e Kuvendit, ndërsa tjetri tha se Kushtetuta nuk parashikon autorizim paraprak për këtë masë. Si pasojë, mbetet pezullimi i ministres, duke lënë një precedent të pasqaruar për raportin pushtetesh.
SPAK ka kërkuar në Kuvend heqjen e imunitetit të Ballukut, çështje që do të diskutohet në Këshillin e Mandateve. Demokratët kërkuan mbledhje urgjente, ndërsa mos-vendimi i Kushtetueseve ngre pyetje mbi mundësinë e drejtësisë për të ndërhyrë tek ekzekutivi.