Dosja hetimore mbi një procedurë prokurimi në KESH ka zbuluar se disa zyrtarë të lartë të energjisë nisën bisedimet për paracaktimin e tenderit me vlerë rreth 700 mijë euro dy muaj para nisjes së tij. Sipas dokumenteve të siguruara nga Ora News, pjesë e këtij grupi komunikimi ishin Benet Beci, atëherë Administrator i KESH, Ervis Berberi, drejtori i Agjencisë së Energjisë dhe Eficencës, si dhe Adela Ruko dhe Dritan Dakoli. Sipas dosjes, biseda e parë u zhvillua më 29 tetor 2019, kur Berberi i dërgoi Becit një SMS për të caktuar takim dhe më pas komunikimi vijoi përmes WhatsApp. Dyshimet për një takim lidhur me tenderin forcohen nga mesazhet e mëtejshme ndërmjet Becit, Berberit dhe Dakolit.

Më 31 tetor, Dritan Dakoli i dërgoi Berberit materialin “Kërkesat për kualifikim CMA – masterplan KESH”, i cili një ditë më pas iu përcoll Becit. Dokumenti përmbante draftin e kritereve të përgjithshme dhe të veçanta të kualifikimit, që më pas u përdorën në procedurën e prokurimit REF-46463-12-18-2019 me objekt “Zhvillimi Strategjik i Sektorit Energjitik”. Menjëherë pas dërgimit, Berberi i tha Becit se kërkesat ishin paraprake dhe po prisnin detaje nga Harvard, ndërsa Beci iu përgjigj shkurt: “Ok flm Visi”. Ky shkëmbim tregon përfshirjen e drejtpërdrejtë të zyrtarëve në paracaktimin e kritereve të tenderit.

⏩𝐊𝐋𝐈𝐊𝐎 𝐊𝐄𝐓𝐔⏪ 𝐏𝐄𝐑 𝐓𝐄 𝐋𝐄𝐗𝐔𝐀𝐑 𝐋𝐀𝐉𝐌𝐈𝐍 𝐄 𝟐..!!!

Më 7 dhe 18 nëntor 2019, Dakoli dhe Berberi vazhduan shkëmbimin e mesazheve lidhur me materialet e KESH, duke përfshirë edhe referime ironike ndaj ekspertizës së Harvardit. Mesazhet përfshinin tekste si: “Harvardi për KESH. Më thanë, hidhi një sy” dhe “Sqiten gjo cunat e KESH”, ndërsa Berberi i përgjigjej me mesazhe si “Hahaha, kush ta çoi” dhe “Të them unë, po e bëjnë gati”. Ky material, sipas burimeve, sugjeron koordinim të brendshëm për të ndikuar në tenderin, duke ngritur dyshime për paracaktim dhe përfshirjen e zyrtarëve të lartë.