Tentativë e dështuar për sulm ndaj pronarit të MCN TV

Një ngjarje e rëndë është raportuar pranë ambienteve të MCN TV, ku tre persona të maskuar dhe të armatosur dyshohet se tentuan të sulmonin pronarin e televizionit, Endri Meksi. Sipas informacioneve, ata lëviznin me një automjet tip Audi A7 të bardhë dhe u afruan pranë godinës rreth orës 00:30 të mëngjesit.

Sapo Meksi mbërriti në oborrin e televizionit, personat e maskuar e ndoqën nga pas. Plani i tyre dyshohet se dështoi në momentin kur roja e sigurisë në perimetrin e jashtëm të godinës nxori telefonin për të njoftuar policinë.