2.

OSHEE Group ka prezantuar një skemë të re për lehtësimin e pagesës së detyrimeve të prapambetura të energjisë elektrike. Programi përfshin të gjitha faturat e papaguara të krijuara deri në fund të vitit 2024.

Skema parashikon pagesa me këste për të gjitha kategoritë e klientëve. Familjet në nevojë, pensionistët kryefamiljarë dhe personat me status të veçantë mund të paguajnë këste mujore duke nisur nga 1,200 lekë.

Ndërkohë, klientët e tjerë familjarë do të kenë një këst minimal prej 2,800 lekësh në muaj. Detyrimet mund të shlyhen në një periudhë deri në 20 vjet, me maksimumi 240 këste.