2.

Policia e Shkodrës ka shpallur në kërkim Barush Bregun, i njohur edhe si Bajram Bregu, pas një incidenti me armë zjarri të regjistruar në lagjen Kiras. Ngjarja ndodhi mesditën e sotme gjatë një kontrolli rutinë të policisë.

Sipas të dhënave paraprake, një patrullë policie i ka bërë shenjë një automjeti të ndalonte. Gjatë ndjekjes, pasagjeri i mjetit dyshohet se ka qëlluar me armë zjarri në ajër dhe më pas është larguar.

Bregu rezulton person me precedentë penalë dhe i njohur për policinë. Autoritetet vijojnë kërkimet për kapjen e tij dhe sqarimin e plotë të rrethanave të ngjarjes.