Barush Bregu, i njohur edhe si Bajram Bregu, është shpallur në kërkim nga policia pas një incidenti me armë zjarri të ndodhur mesditën e sotme në Shkodër. Ngjarja ka ndodhur në lagjen Kiras, ku një patrullë policie i ka bërë shenjë një automjeti të ndalonte.

Sipas informacioneve paraprake, gjatë ndjekjes nga policia, pasagjeri i mjetit, Barush Bregu, ka qëlluar me armë zjarri në ajër dhe më pas është larguar nga vendi i ngjarjes. Policia ka nisur kërkimet për kapjen e tij.

Bregu njihet nga autoritetet si person me precedentë penalë dhe është përmendur në disa dosje hetimore. Ai dyshohet gjithashtu për përfshirje në ngjarje të tjera kriminale të ndodhura në Shkodër.