Banorët e Rrjollit të Velipojës kanë vijuar protestën kundër ndërtimit të resortit, duke bllokuar përkohësisht punimet në kantier. Ata kanë shprehur vendosmërinë për të mos lejuar ndërhyrjet në tokat dhe zonën e tyre natyrore.
Banorët kritikojnë kreun e PD, Sali Berisha, që sipas tyre nuk po i mbështet drejtpërdrejt në grevën e tyre, pavarësisht thirrjes për protestë më 10 shkurt. Ata kërkojnë përfaqësim dhe mbështetje konkrete, jo thjesht thirrje pa veprime.
Protestuesit paralajmërojnë se nuk do të tërhiqen dhe do të vazhdojnë kundërshtimin derisa punimet të ndalen. Ata nënvizojnë se sa herë preket zona e plazhit dhe pylli, masat e tyre do të jenë më të ashpra dhe të vendosura.