Në hartën globale të udhëtimeve, një numër i kufizuar pasaportash ofrojnë privilegje të jashtëzakonshme, duke mundësuar lëvizje pa vizë ose me procedura minimale në shumicën e vendeve të botës. Sipas Henley Passport Index për vitin 2026, dominimi i pasaportave aziatike është i dukshëm. Në vendin e parë renditet Singapor, me akses pa vizë në 192 vende dhe rajone, ndërsa vendin e dytë e ndajnë Japoni dhe Koreja e Jugut, me 188 destinacione secila.

Europa vijon të mbajë një peshë të fortë në renditje, duke dominuar vendin e tretë dhe të katërt. Në vendin e tretë renditen Danimarka, Luksemburgu, Spanja, Suedia dhe Zvicra me 186 destinacione pa vizë, ndërsa në vendin e katërt gjenden 11 shtete evropiane, përfshirë Gjermaninë, Francën, Italinë dhe Holandën, me akses në 185 vende. Në vendin e pestë spikasin Emiratet e Bashkuara Arabe, të cilat kanë shënuar përmirësimin më të madh në historinë e indeksit, duke shtuar 149 destinacione pa vizë që nga viti 2006.

⏩𝐊𝐋𝐈𝐊𝐎 𝐊𝐄𝐓𝐔⏪ 𝐏𝐄𝐑 𝐓𝐄 𝐋𝐄𝐗𝐔𝐀𝐑 𝐋𝐀𝐉𝐌𝐈𝐍 𝐄 𝟐..!!!

Në dhjetëshen e parë përfshihen gjithashtu Australia, Kanadaja, Malajzia dhe Shtetet e Bashkuara, edhe pse SHBA dhe Mbretëria e Bashkuar shënojnë rënie në krahasim me një vit më parë. Ndërkohë, Shqipëria renditet në vendin e 43-të, me akses pa vizë në 121 destinacione, në të njëjtin nivel me Palau dhe Mikronezinë. Indeksi pasqyron qartë se fuqia e një pasaporte mbetet e lidhur ngushtë me stabilitetin diplomatik, marrëveshjet ndërkombëtare dhe pozicionin global të shtetit përkatës.