Moderatorja dhe autorja e Për’puthen, Megi Pojani, ishte sot e ftuar në Shqipëria Live me Sidorela Gjoni, ku komentoi rrugëtimin e Kejsit, Stelinës dhe Inës në Big Brother VIP 5. Gjatë bisedës, ajo u pyet edhe për jetën private, pas deklaratës së Sinan Hoxha se Megi do të martohej më 12 gusht.
Moderatorja e mohoi kategorikisht lajmin, duke thënë se nuk planifikon martesë këtë verë, pasi dëshiron që gjithçka të jetë nën kontroll dhe e mirëorganizuar. Ndërkohë, duke folur për motrën e saj Ina, e cila pritet të bëhet nënë për herë të parë, Megi la të kuptohej se zbuloi më shumë sesa duhej, duke ngjallur reagime dhe kureshtje te publiku.