Një grindje shpërtheu mbrëmë mes Albës dhe Bias në dhomën e gjumit, lidhur me çështjen e shtratit. Fillimisht Alba i tha Bias se nuk dëshironte më të flinte me të dhe i kërkoi t’i lironte krevatin, duke insistuar se ajo kishte një shtrat tjetër poshtë. Tensioni u rrit kur Alba tentoi t’i tërhiqte jorganin për ta detyruar të largohej.
Gjatë këtij momenti, Bia u rrëzua në tokë, duke i kërkuar Albës ta linte rehat, ndërsa Alba e akuzoi se rrëzimi ishte i qëllimshëm. Situata u përfshi edhe nga banorë të tjerë, mes tyre Limi, dhe më pas Londrimi, i cili i kërkoi Bias të tregonte më shumë mirëkuptim dhe ta lironte vendin për të shmangur përshkallëzimin e konfliktit.